Helix P2 е решение создадено за новото време и динамичноста на угостителскиот бизнис денес. Со едноставен, брз, визионерски и интуитивен touch екран, кој им овозможува на келнерите и менаџерите вистински да владеат со своите задачи, нарачки, извештаи, планови и соништа.
Програмот Helix P2, има совршено изграден систем со кој, стабилно, ефикасно и брзо можете да водите: влезни и излезни документи, автоматско ажурирање лагер и пописни листи, материјална картица и сè што е законски задолжително: приемни листи (ПЛТ) и трговска книга (ЕТ), автоматско раздолжување преку претходно дефинирани нормативи (рецепти), комерцијална евиденција на промет, фактури, преглед на должници, анализа на промет. Крајно безбеден и под контрола пристап до податоците со специјални поединечни привилегии на секој вработен, максимална прегледност и сигурност во податоците. можност за поврзување со сметководство….
Но, тоа веќе сигурно го знаете. Во моментов Helix, претставува единствено сигурно решение на пазарот, секогаш прилагодено на сите законски нормативи. Во ова упатство повеќе ќе се задржиме во делот на каса, односно модулот за келнери во новиот touch екран на Helix P2.
Програмот има едноставен панел за најава на келнери:
Откако ќе се најават во системот, келнерите имаат одличен визуелен преглед на масите. Со зелена боја се слободните маси, а со црвена оние маси кои се веќе зафатени, односно има гости.
Со изборот на масата, се влегува во делот на креирање на нарачки.
Креирање нарачки
Во делот на нарачки, келнерите имаат одличен визуелен преглед на групи, артикли и омилени производи. Со само неколку клика може да се креира нарачка, автоматски да се испрати маркер до шанк или кујна и да се испечати фискална сметка.
Во креирањето на нарачката, келнерите имаат можност да даваат попуст на производ или на цела сметка и да додадат опис на секој производ. Доколку некој од гостите се премести од една на друга маса, или сите гости од масата седнат на друга маса, програмот нуди можност со само еден клик да се направи истата промена.
Наплата
Наплатата и издавањето на фискална сметката иде многу брзо. Со еден клик на копчето брза сметка автоматски се печати фискална сметка. Со избор на полето фискална, програмот нуди дополнителни можности на плаќање со фактура или картичка.
Распоред на маси
Можете да креирате распоред на маси, со многу едноставна навигација. Распоред онаков како што Вие посакувате, според реалната поставеност на масите во Вашиот локал, со кој келнерите и менаџерите имаа визуелен преглед на зафатеноста на масите.
Групи на производи
За подобар распоред и прегледност на производите при продажбата, програмот има можност за групирање на производите во повеќе групи или подгрупи. Групирањето се креира во шифрарникот на производи, во опцијата особини > типови.
Извештаи
За менаџерите, програмот има повеќе извештаи: промет по парагони, промет по производи, кои може да ги креирате по ваша желба за одреден период датум, бренд, добавувач…
Стабилно решение – стабилен бизнис
Според искуствата на нашите клиенти, Helix P2 со новиот touch екран, значително го забрзува работењето и им нуди на келнерите, менаџерите и сопствениците на угостителски објекти моќна алатка која придонесува, кон стабилен и сигурен напредок кој е базиран на реални бројки и среќни и задоволни клиенти.